ترجمة بعض التعابير الشامية

من طرف تشي غيفارا الخميس يناير 22, 2009 7:45 pm

بدك الصحيح والا ابن عمه........ مقدمة لكذبة من الحجم العائلي

شو بدك بطول السيرة................ جملة محشورة داخل قصة يزيد عدد كلماتها عن 100000000كلمة

وماشفنالك إلا ............ . يعني موسيقى تصويرية قوتها 7.9 على مقياس ريختر لقصة سخيفة

وما كذبت خبر .................عبارة لنفش العضلات وبداية لكذبة ورسم بطولات ما حصلت إلا بالخيال

انت لسا ما بتعرفني...............تقال عندما يشعر المتكلم انه تبهدل وانمسحت بكرامته الارض

الله يستر عليها.............. تقال بعد نهاية كل قصة تم فيها نشر غسيل جميع بنات الحارة وصديقات بنات الحارة

إشتهيناك تكون معنا.............. . تقال لحرق أعصاب المستمع واذلال شعوره

أنا، لا تواخذني بهالكلمة............. .مصطلح يهيؤك نفسيا لسماع مسبّة ولكن بطريقة مؤدبة

أنا والله مو فارئة معي...............تدل على اهتمام المتكلم حتى الموت بالموضوع

سيدي ما علينا................ نهاية الحديث البايخ الذي كان يتكلم فيه على غيره بما لا يخصه

عيّن خير............. بعبارة أخرى ..انسى الموضوع

.لا يروح فكرك لبعيد.................. يعني طنّش عن كل البلاوي اللي خبرتك عليها

.والله لو عرفان ما كنت تركتك............... عبارة لتسفئو منّيّة ببلاش فوء الكمّ اللي أكلو

و هيك صار ..... جملة تعني أنك خلصت السيرة المعته بعد ما لعيتلو قلبو للمستمع

من طرف حازم الجمعة يناير 23, 2009 2:54 am

ههههههههههههههههههههههههههههههههههههههههههههههههههههههههههههه
والله حلوة الترجمة اخ جيفارا ودليل خبرة كبيرة يعني وانشالله رح لحقلك الترجمة تبع اللهجة الحلبية من عندي باقرب وقت انشاءالله

من طرف جولان الجمعة يناير 23, 2009 3:34 am

ههههههههههههه
ههههههههههه
تعابير حلوة

و عقبال الحلبية

من طرف تشي غيفارا الجمعة يناير 23, 2009 10:58 am

حازم كتب:ههههههههههههههههههههههههههههههههههههههههههههههههههههههههههههه
والله حلوة الترجمة اخ جيفارا ودليل خبرة كبيرة يعني وانشالله رح لحقلك الترجمة تبع اللهجة الحلبية من عندي باقرب وقت انشاءالله

والله يا صديقي حازم هدول مو شغلي بس إجوني عن طريق الإيميل فعجبوني وحبيت شارككم فيهم عا كل بالفعل فيهن وجهة نظر كبيرة ويالله خاي عم نستنى ترجمة التعابير الحلبية

وشكرا لمرورك

ترجمة بعض التعابير الشامية

ترجمة بعض التعابير الشامية

رد: ترجمة بعض التعابير الشامية

رد: ترجمة بعض التعابير الشامية

رد: ترجمة بعض التعابير الشامية